Transcription
1
Monseigneur, je croys que messeigneurs d’Orche et du Chastellard
2
Vous aront advertiz de la réception des lettres de vostre seigneurie
3
par moy en ceste ville où je les ay trouvés, car je laysés
4
la court [à] Arthenay et despuys le roy n’a béché d’icy, de Madri
5
ou de Sainct-Clou, hors que le corps de Dieu qui aciste à la
6
procession. Aussi, fis-je tenir les siennes à monseigneur de
7
Beulièvre, lequel j’ay trouvé de fort bonne voulanté et qu’il
8
s’amployera pour le faict duquel vostre seigneurie luy a escript
9
et recommandé. Je n’ay poinct donné ceulx de messeigneurs
10
les maréchaulx de Montmorancy et Dampville car monseigneur
11
de Montmorancy estoit party pour aller faire son voiage
12
d’Angleterre, lesquelles je garde pour leur porter, voiant
13
le temps propice et comode pour le faict duquel suys
14
envoyé, venant à l’assignation me sera faict leur parttie
15
et en seront de plus reseante mémoire. Touchant à ceulx
16
de messeigneurs de Bressieu et de Pomet, ilz se sont reservés
17
à leur retour d’Angleterre pour en advertir vostre seigneurie de
18
touctes particularités. Quant à aultres nouvelles,
19
monseigneur l’admiral est encores à la court et passa par ceste
20
ville accompaigné de quatre à cinq centz chevaulx. Il vist
21
la royne de Navarre, laquelle despuys ne tacha qu’à mourir,
22
l’on luy fit en croire que ledit seigneur admiral estoyt mandé pour
23
luy faire trover bon que son filz esposat à l’église romaine. Elle
24
a esté ouverte et a trouvé deux postumes qui y ont suffocqué
25
le cueur ; les aultres disent que c’est le bocom. Il n’y
26
ont faict encores aulcunes préparations. L’on faict bruyct
27
que le mariage sera retardé pour quelques jours. Si je ausoys
28
advertir vostre seigneurie des languaiges qui troctent tant
29
des coustés de Flandres que des ambassadeurs qui sont icy,
30
ou ceulx qui sont venus naguyères de la part du Turc
31
pour n’y voier que bien peu d’apparance ny jour, il me
32
vault mieulx taire car cella ne me seroyt que augmenter de
33
remplir ma carte des inventions du palays sans mérite;
34
mais je actandrey quelque chose plus veritable et daigne
35
d’estre escripte à vostre seigneurie ; et en actandant ce bien,
36
je supplierey au Créateur
37
Monseigneur, qui vous doinct très bonne saincté, longue et
38
heureuse vye avec tout contantement. A Paris, ce 19 jour
39
de juing 1572
40
vostre très humble et très obéyssant serviteur
41
Des Eymars
42